SHIMMUTA

SHEREHE YA KUFUNGA MICHEZO YA SHIMMUTA 2025

SHEREHE YA KUFUNGA MICHEZO YA SHIMMUTA 2025 KATIKA UWANJA WA JAMHURI MOROGORO AMBAPO MGENI RASMI ALIKUWA MKUU WA MKOA MHE. ADAM MALIMA TAREHE 06 DISEMBA, 2025

WAWAKILISHI WA MAKAMPUNI NA MASHIRIKA YALIYODHAMINI MICHEZO YA SHIMMUTA WAKIPOKEA ZAWADI

WAWAKILISHI WA MAKAMPUNI NA MASHIRIKA YALIYODHAMINI MICHEZO YA SHIMMUTA WAKIPOKEA ZAWADI KUTOKA KWA MKUU WA MKOA WA MOROGORO MHE. ADAM MALIMA TAREHE 06 DISEMBA,2025 ALIPOKUWA AKIFUNGA MICHEZO HIYO KATIKA UWANJA WA JAMHURI MOROGORO

WASHINDI WA MICHEZO MBALIMBALI WAKIPOKEA ZAWADI

BAADHI YA WASHINDI WA MICHEZO MBALIMBALI WAKIPOKEA ZAWADI ZA VIKOMBE NA MEDALI KUTOKA KWA MGENI RASMI MKUU WA MKOA WA MOROGORO MHE. ADAM MALIMA WAKATI WA SHEREHE ZA UFUNGAJI MICHEZO YA SHIMMUTA KATIKA UWANJA WA JAMHURI MKOANI MOROGORO TAREHE 06 DISEMBA, 2025.

WAJUMBE WA KAMATI YA UTENDAJI YA SHIMMUTA 2025

Wajumbe wa Kamati ya Utendaji ya SHIMMUTA Kwenye Mashindano ya SHIMMUTA 2025 Mkoani Morogoro.

MWENYEKITI SHIMMUTA BI. ROSELYNE MASSAM AKIZUNGUMZA

Bi. Roselyne Massam akitoa taarifa fupi kuhusu hali na mwenendo wa michezo inayofanyika jijini Morogoro

SMART SPORTS MDHAMINI MKUU SHIMMUTA, YAKABIDHI VIFAA VYA MICHEZO SHIMMUTA 2025

Smat Sports kama Mdhamini Mkuu wa Mashindano ya SHIMMUTA 2025 ikikabidhi vifaa vya michezo kwa Mwenyekiti Bi. Roselyne Massam, katika vifaa hivyo pia waikabidhi makombe yatakayo gawiwa kwa zile timu zitakazo ibuka videdea katika michezo a mwaka 2025.

KUMALIZIKA NA KUFUNGWA KWA MICHEZO A SHIMUTTA 2025

MICHEZO YA SHIMMUTA 2025 YATARAJIWA KUFUNGWA RASMI KESHO NA WASHINDI KUTANGAZWA. MKUU WA MKOA MHE. ADAM MALIMA ANATARAJIWA KUWA MGENI RASMI KATIKA SHEREHE HIYO

FAINALI YA MCHEZO WA MPIRA WA MIGUU BAINA YA TRA VS MZINGA

FAINALI YA MCHEZO WA MPIRA WA MIGUU BAINA YA TRA VS MZINGA. TRA NA MZINGA WALIKIWASHA KAIKA UWANJA WA UA MKOANI MOROGORO TAREHE 05/12/2025.

TANAPA, MZINGA ZANG’ARA RIADHA SHIMMUTA 2025 MOROGORO

Shirika la Hifadhi za Taifa Nchini (TANAPA) na Shirika la Mzinga Morogoro yamechuana vikali kwenye fainali za mchezo wa riadha katika michuano ya Shirikisho la Michezo ya Mashirika ya Umma, Taasisi na Makampuni Binafsi Tanzania (SHIMMUTA) uliofanyika katika uwanja wa Jamhuri Mjini Morogoro.

Mbio za kukimbia na Magunia mshindi wa kwanza Wanawake ni RODHA SIMON wa TPHA Mshindi wa pili ni Joyce Mwinuka wa Shirika la Mzinga Morogoro na Scolastica Hyela wa GCLA akishika nafasi ya tatu.

Kwa upande wa Mbio za Magunia wanaume Bw. Ahmed Sharif wa Shirika la Mzinga alishika nafasi ya kwanza huku Lusungu Mwinyi wa Chuo Kikuu cha Kilimo Sokoine akishika nafasi ya pili na Erick Kahaya wa MUHAS akiambulia nafasi ya tatu.
Kwa upande wa riadha mita 1500 Wanaume aliyeshika nafasi ya kwanza ni Bw. Eribarick Buko wa Tanapa huku Bw.Michael Kilai wa TFS akinyakua nafasi ya pili na Bw. Josephat Kulaya wa WCF akishinda nafasi ya tatu.
Wanawake nao hawakuwa mbali kwa mbio za mita 1500 ambapo Dkt. Mwahija Kisoma wa Chuo Kikuu cha Mzumbe alishika nafasi ya kwanza na Bi Ester Zakayo ya BOT akishika nafasi ya pili na nafasi ya tu ikachukuliwa na Pilly Joseph wa Tanapa.
Matokeo mengine yaliyovutia wengi ni riadha mita 100 Wanaume ambapo Bw.Zakaria Maikobi wa Mzinga aliibuka kidedea dhidi ya Bw. Boniface Magige wa TRC aliyeshika nafasi ya pili na nafasi ya tatu ikachukuliwa na Mhando Ally wa Chuo Kikuu cha Dodoma UDOM.

Wazee nao hawakubaki nyumba kwa mbio za Wanawake kwani Mzee Daud Mafuru wa TANAPA aliwaduwaza wenzake alivyochomoka kama kimondo na kushika nafasi ya kwanza baada ya kuwapita wazee wenzake Mzee Julian Mafuru wa TAEC aliyeshika nafasi ya pili na Mzee Haghai Pandisha wa IRDP alikamata nafasi ya tatu.

Matokeo ya Mita 400 Wanaume yalikuwa Bw. Zakaria Maikobi mshindi wa kwanza kutoka Shirika la Mzinga, Bw. Aidan Aidan wa TCAA mshindi akishika nafasi ya pili na huku nasafi ya tatu ikenda LGTI kwa Bw. Haghai Pandisha.

TFS waliendelea kutamba kwa riadha mita 200 Wanawake kufuatia ushindi wa mkimbiaji wao BI. Eunice Makondo kuwa mshindi wa kwanza akifuawa na Bi Hevenligth Mbise wa MSD na mshindi wa tatu akipata Bi. Juliana

•TBS YAIZIMA TAWA KAMBA WANAUME, YAPANIA KUIVUA UBINGWA TPA • MZINGA USO KWA USO NA TPA WANAWAKE

SHIRIKA LA VIWANGO TANZANIA (TBS) BAADA YA KUWANYOA WAZEE WA MAKASIA (TAWA) KATIKA MCHEZO WA KUVUTA KAMBA WANAUME LIMEAHIDI KUUANGUSHA MBUYU KWA KUIVUA UBINGWA WA KAMBA WANAUME SHIRIKA LA BANDARI TANZANIA (TPA) NALO SHIRIKA LA MZINGA LIMEAHIDI KUWASHANGAZA TPA WANAWAKE KATIKA FAINALI YAO YA KUVUTA KAMBA BAADA YA WAWILI HAO KUFUZU KUCHEZA FAINALI.

Mamlaka ya Afya ya Mimea na Viuatilifu Tanzania (TPHPA) imefanikiwa kutoa Mshindi wa kwanza wa Mchezo wa Vishale (Darts) Wanawake Bi. Rehema Gabriel (Katikati) , mshindi wa pili ni Elizabeth Luanda toka TPDC (Kushoto) na Bi. Eliza Msemwa toka Shirika la M

RATIBA YA HATUA YA NUSU FAINALI YA MPIRA WA MIGUU AMBAPO KESHO TAREHE 04 DISEMBA, 2025 MZINGA ITAMENYANA NA TBS KATIKA UWANJA WA HIGHLANDS NJE KIDOGO YA MJI WA MOROGORO NA TANESCO WATACHUANA NA WATOZA USHURU TRA

RATIBA YA HATUA YA NUSU FAINALI YA MPIRA WA MIGUU AMBAPO KESHO TAREHE 04 DISEMBA, 2025 MZINGA ITAMENYANA NA TBS KATIKA UWANJA WA HIGHLANDS NJE KIDOGO YA MJI WA MOROGORO NA TANESCO WATACHUANA NA WATOZA USHURU TRA

RATIBA YA MCHEZO WA KUVUTA KAMBA ITAKAYOFANYIKA TAREHE 04 DISEMBA, 2025 KATIKA UWANJA WA JAMHURI AMBAPO TAWA ATAVUTANA NA SHIRIKA LA VIWANGO TBS, TPDC NA TPA, IRDP NA MZINGA NA MC WATAGEGEDUANA NA TPA

MWENYEKITI KAMATI YA UFUNDI MICHEZO YA SHIMMUTA AELEZEA HATUA YA MICHEZO KWA MWAKA 2025 MKOANI MOROGORO

Timu ya Mpira wa Pete ya Chuo Kikuu cha Dodoma (UDOM) imeirudisha darasani timu ya Mpira wa Pete ya Chuo Kikuu cha Dar es Salaam (UDSM) baada ya kuichapa bila huruma magoli 48 kwa 46 katika mchezo wa hatua ya 16 bora uliofanyika Disemba 2, 2025 katika uwa

Ratiba ya hatua ya 16 Bora mpira wa Miguu Michuano ya Shirikisho la Michezo la Mashirika ya Umma, Taasisi na Makampuni Binafsi (SHIMMUTA) mwaka 2025 mkoani Mororgoro

Timu 16 za Mpira wa Miguu zilizo fuzu hatua ya 16 Bora Michuano ya Shirikisho la Michezo la Mashirika ya Umma, Taasisi na Makampuni Binafsi (SHIMMUTA) mwaka 2025 mkoani Mororgoro

Ratiba ya hatua ya 16 Bora mpira wa Pete Michuano ya Shirikisho la Michezo la Mashirika ya Umma, Taasisi na Makampuni Binafsi (SHIMMUTA) mwaka 2025 mkoani Mororgoro

MICHEZO YA RIADHA YA SHIMMUTA 2025 IMEKAMILIKA KWA HATUA YA KWANZA YA MTOANO NA KUFUZU NUSU FAINALI AMBAPO KESHO TAREHE 04 DISEMBA,2025 ITAHITIMISHWA KWA KUCHEZA FAINALI NA KUPATA MABINGWA WA MBIO MBALIMBALI.

TUJENGE MAZOEA YA KUTEKELEZA YALE TULIYOKUBALIANA - DKT. BITEKO

Naibu Waziri Mkuu na Waziri wa Nishati, Mheshimiwa Dkt. Doto Biteko amemwakilisha Makamu wa Rais wa Jamhuri ya Muungano wa Tanzania, Mhe. Dkt. Phillip Mpango kufungua mashindano ya Shirikisho la Michezo ya Mashirika ya Umma chini SHIMMUTA na kuagiza mashirika kuondokana na visingizio visivyo na msingi ili kutimiza azma ya mashindano hayo.

Dkt. Biteko ametoa maelekezo hayo Jijini Tanga ambapo amesema kumekuwa na visingizio vya kuwakosesha watumishi wa umma kushiriki mashindano ilhali ni suala linalofahamika na liko kwenye kalenda ya kila mwaka ya mashirika husika.

"Utaratibu huu wa kukubaliana jambo lakini jambo tulilokubaliana halifanyiki inatufanya tukose uhalali wa kuwasimamia wengine, nilitaka kujua kwanini hatupeleki
washiriki katika mashindano haya. Kama tunaona mashindano haya sio ya muhim ni bora tuondokane nayo tufanye jambo lingine", amesema Dkt. Biteko.

Amewataka viongozi wa SHIMMUTA kuwatembelea waajiri
na kuwahimiza waajiri kuwaruhusu watumishi kushiriki katika mashindano hayo, "hakuna jambo linalouma kwamba baadhi ya watumishi wengine wanashiriki na wengine wanapewa visingizio jambo ambalo halikubaliki kwa namna yoyote na sio sawa,"amesisitiza Dkt. Biteko

MICHEZO YA SHIMMUTA KWA MWAKA 2025

Michezo ya SHIMMUTA 2025 yatafanyika Jijini Mwanza kuanzia 15 hadi 30 Novemba, ikiwemo michezo mbalimbali kama Mpira wa Miguu, Netiboli, Riadha, na zaidi. Mgeni rasmi atakuwa Makamu wa Rais wa Tanzania.

SHIMMUTA YARUDISHA FADHILA KWA JAMII KWA KUTOA MSAADA KWA WENYE UHITAJI.

Na Mwandishi wetu- jijini Tanga

Shirikisho la Michezo la Mashirika ya Umma, Taasisi na Makampuni Binafsi Tanzania (SHIMMUTA) kwa kushirikiana na wanachama wake wamerudisha kwa jamii kwa kutoa msaada wenye thamani ya zaidi ya milioni 12 kwa watu wenye uhitaji jijini Tanga.

Msaada huo umetolewa leo Novemba 23, 2024 katika vituo Kituo cha Watoto Nyumba ya Furaha kilichopo Raskazone, Kituo cha Makazi ya Wazee Duga, na Kituo cha Watoto Good Will Childrens Home kilichopo Mwambazi jijini Tanga.

Mwenyekiti wa SHIMMUTA Bi. Roselyne Mathew Massam amesema wametimiza adhima yao ya kurudisha fadhila kwa jamii hivyo anawashukuru watu wote wa SHIMMUTA waliojitolea kutoa michango hiyo ambayo itawasaidia watu hao wenye uhitaji.

“Leo tumefanikiwa kuwatembelea wahitaji na kutoa msaada wa vitu mbalimbali na fedha kupitia michango mbalimbali iliyotolewa na wanachama wetu wa SHIMMUTA na wafanyakazi yenye thamani ya zaidi ya millioni 12 ambapo tulifanikiwa kupata vitu vingi na kuvikabidhi kwenye vituo hivyo vitatu” amesema Massam.

Bi. Massam amesema wametoa msaada wa Godoro, Sukari, Chumvi, Pampasi, Mchele, Maharage, Mafuta ya Kupikia, Maji, Juisi, Sabuni za Kufulia na Kuogea, Viberiti, Mafuta ya Kujipaka, Miswaki, Dawa za Meno na vitu vingine pamoja na fedha taslim kwa kila kituo cha watu hao wenye uhitaji.

Kwa upande Mkurugenzi wa Goodwill Children Home Ndg. Idalus Mohammed ameushukuru uongozi wa SHIMMUTA kwa kuwatembelea watoto haao na kutoa sadaka yao kwa kurudisha kwa jamii.

Naye Mzee Anthony Yohana anayeishi katika Kituo cha Makazi ya Wazee Duga, ameshukuru sana kwa msaada huo na kuwaombea Mungu azidi kuwabariki na kuwaongezea zaidi pale walipotoa na wazidi kuwa na Maisha marefu.

MHE. NYONGO AFUNGA RASMI MASHINDANO YA SHIMMUTA 2024 NA KUAGIZA BAJETI ZA FEDHA ZA MICHEZO ZITUMIKE KWENYE MICHEZO NA SI VINGINEVYO.

Na Mwandishi wetu- Tanga Naibu Waziri wa Nchi, Ofisi ya Rais, Mipango na Uwekezaji Mhe. Stanslaus Haroon Nyongo (Mb) amefunga rasmi mashindano ya Shirikisho la Michezo la Mashirika ya Umma, Taasisi na Makampuni Binafsi Tanzania (SHIMMUTA) na kuagizaTaasisi zote zijitahidi kutenga bajeti ya michezo na kuhakikisha fedha hizo zinatumika kwa malengo yaliyokusudiwa. Mashindano hayo yalitamatishwa jana Novemba 25, 2024 katika uwanja wa Popatlal Sekondari Jijini Tanga ambapo Mgeni Rasmi Mhe. Nyongo (Mb) alisema Ili kuhakikisha mashindano haya yanazidi kuwa bora na kuleta mvuto zaidi naelekeza fedha zilizotengwa kwa ajili ya michezo zitumike kwenye michezo. “Kuna baadhi ya Taasisi zinatenga bajeti na muda ukifika timu zao hazishiriki michezo ya SHIMMMUTA kwasababu fedha zinakuwa zimetumia kwenye mambo mengine, Rai yangu kwa wakuu wa Taasisi wote fedha zote zilizotengwa kwa ajili ya michezo naomba zitumike kwenye michezo na si vinginevyo kwa sababu haya ni maagizo Rais Mhe. Dkt. Samia Suluhu Hassan” amesema Dkt. Nyongo. Aidha Dkt. Nyongo amewapongeza washindi wa mashindano hayo na kuwahimiza wale ambao hawajashinda kuchukua fursa hii kujifunza na kujiandaa vyema kwaajili ya mashindano yajayo. Mwenyekiti wa SHIMMUTA Bi. Roselyne Mathew Massam amesema michezo hii ya SHIMMUTA 2024 ilianza tarehe 10 hadi 24 Novemba, 2024 ambapo jumla ya washiriki 4720 kutoka Taasisi 95 za Mashirika ya Umma, Taasisi na Makampuni Binafsi walishiriki, ukiliganisha na mwaka jana 2023 timu zilizoshiriki zilikuwa 57 tu. Ameongeza kwa kusema Mashindano ya SHIMMUTA 2024 yalihusisha michezo 12 ambayo ni Bao, Draft, Karata, Kamba, Kukimbia kwa Gunia, Darts, Pooltable, Riadha, Basketball, Football, Netball, Volleyball, ambapo Kauli Mbiu yetu ilikuwa ni "Michezo na Uwajibikaji: Tukiwahimiza Wanamichezo na Wananchi kushiriki uchaguzi wa Serikali za Mitaa 2024. Naye, Katibu Mkuu wa SHIMMUTA Dkt. Maswet Masinda amewashukuru wakuu wa Taasisi mbalimbali ambao kwa nyakati tofauti wameendelea kutoa fursa na kuwaruhusu wanamichezo wa Taasisi zao ambao ni watumishi wa umma kushiriki mashindano ya SHIMMUTA.

DROO YA MICHEZO YA SHIMMUTA KUFANYIKA NOVEMBA 05,2025 JIJINI DAR ES SALAAM

DROO YA MICHEZO YA SHIMMUTA KUFANYIKA NOVEMBA 05,2025 JIJINI DAR ES SALAAM
Kuelekea Michezo ya Shirikisho la Michezo la Mashirika ya Umma Taasisi na Makampuni Binafsi Tanzania (SHIMMUTA) itakayofanyika Jijini Mwanza Droo ya michezo hiyo inatazamiwa kufanyika tarehe 05 Novemba,2025 Jijini Dar es Salaam katika Chuo Kikuu cha Dar es Salaam (UDSM) ambapo ratiba ya michezo na tarehe ya kuanza Michezo ya SHIMMUTA itakuwa hadharani.
Mwenyekiti wa Shirikisho la Michezo la Mashirika ya Umma Taasisi na Makampuni Binafsi Tanzania (SHIMMUTA) Bi. Roselyne Massam amethibitisha hayo na kusema siku hiyo ratiba za michezo mbalimbali zitapangwa pamoja na kutangaza rasmi siku ya michezo itapoanza katika viwanja mbalimbali Jijini Mwanza.

UKIGUNDULIKA KAMA SIO MTUMISHI WA UMMA MASHINDANO YA SHIMMUTA UTACHUKULIWA HATUA KALI ZA KISHERIA : MHE. KUBECHA.

Na Mwandishi wetu- Tanga

Mkuu wa Wilaya wa Tanga mjini Mhe. Japhari Kubecha amesema ukigundulika kama wewe sio mtumishi wa umma katika mashindano ya Shirikisho la Michezo la Mashirika ya Umma, Taasisi na Makampuni Binafsi Tanzania (SHIMMUTA) utachukuliwa hatua kali za kisheria.

Amesema hayo jana 12 Novemba, 2024 alipotembelea uwanja wa Bandari kwa ajili ya kushuhudia michezo mbalimbali ya SHIMMUTA iliyokuwa ikiendelea mahali hapo.

“ Tumeona hakuna changamoto yeyote ya kiusalama kama tulivyowahakikishia, hakuna mambo ya fojari na ukigundulika kama wewe sio miongoni mwa watumishi wa umma na umekuja kuwa sehemu ya wanamichezo sheria zilizopo ni kali” amesema Mhe. Kubecha.

Mhe. Kubecha amesema kama Serikali ya Wilaya itaendelea kushirikiana kuwa bega kwa bega na viongozi wa mashindano hayo ya SHIMMUTA pamoja na Taasisi zinazoshiriki kwa kuwapa ushirikiano wa kimichezo na kijamii.

“Mimi binafsi nimefarijika mwitikio umekuwa mkubwa na Taasisi nyingi zimeshiriki, SHIMMUTA ya mwaka huu imekuwa tofauti kwani Ari, Kasi na Mwitikio ni mkubwa” amesema Mhe. Kubecha

Kwa upande wake Mwenyekiti wa SHIMMUTA Bi. Roselyne Massam ameushukuru uongozi wa Mkoa wa Tanga kwa kuwatembelea na kuendelea kuzitatua changamoto mbalimbali wanazokutana nazo katika mashindano hayo.

DKT. BITEKO AZINDUA MASHINDANO YA SHIMMUTA 2024 NA KUYATAKA MASHIRIKA KUTENGA BAJETI MAPEMA YA USHIRIKI WAO.

Na Mwandishi wetu- Tanga

Naibu Waziri Mkuu na Waziri wa Nishati, Dkt. Doto Biteko amezindua mashindano ya Michezo ya Shirikisho la Michezo la Mashirika ya Umma, Taasisi na Makampuni Binafsi (SHIMMUTA) jijini Tanga na kuyataka mashirika kutenga bajeti mapema kwa ajili ya kushiriki mashindano hayo.

Dkt. Biteko amezindua mashindano hayo leo Novemba 18, 2024 katika uwanja wa Usagara Sekondari jijini Tanga akimwakilisha Makamu wa Rais wa Jamhuri ya Muungano wa Tanzania Mhe. Dkt. Philip Isdor Mpango ambaye ni Mlezi wa shirikisho hilo.

Dkt. Biteko amesema mashindano ya SHIMMUTA sio mashindano ya dharura ni mashindano yanayojulikana na yapo kwenye kalenda ya kila mwaka hivyo watengeeni watumishi bajeti kwa ajili ya watumishi kushiriki mashindano hayo.

“Nimepokea changamoto ya baadhi ya Taasisi kutotenga bajeti kwa ajili kushiriki mashindano ya SHIMMUTA, nataka niwaambie hili sio jambo la kuomba ni wajibu wetu kama ambavyo mmeona kuzalisha mapato ni muhimu mjue michezo kwa watumishi wa umma ni muhimu tengeni bajeti” amesema Dkt. Biteko

“Hakuna jambo linauma kama watumishi ndani ya serikali moja wapo wanaoletwa na kuna watumishi wengine ndani ya serikali hiyo hiyo hawaletwi kwa sababu tu kuna mtu mmoja mahali fulani ana sababu inayosema sikupata mualiko, hiyo haikubaliki natoa wito visingizio kama hivi vipungue na viishe” Amesema Dkt. Biteko.

Mkuu wa Mkoa wa Tanga, Balozi, Dkt. Batilda Buriani amewapongeza washiriki na waandaaji wa mashindano hayo na kuwahakikishia utayari wa mkoa kuendelea kuboresha mazingira zaidi.

Kwa upande wake Mwenyekiti wa SHIMMUTA Bi. Roselyne Mathew Massam amesema lengo la mashindano ya SHIMMUTA ni kusimamia, kuhimiza na kuendeleza michezo mahala pa kazi kwenye Mashirika ya Umma, Makampuni na Taasisi Binafsi pia kuleta hamasa miongoni mwa wafanyakazi ili kuongeza ufanisi kazini.

SHIMMUTA YAMKABIDHI TUZO MHE. DKT. BITEKO YA KUTHAMINI MCHANGO WAKE.

Na Mwandishi wetu- Tanga

Shirikisho la Michezo la Mashirika ya Umma, Taasisi na Makampuni Binafsi (SHIMMUTA) imemkabidhi tuzo Naibu Waziri Mkuu na Waziri wa Nishati, Dkt. Doto Biteko ikiwa ni sehemu ya kuthamini mchango anaoutoa katika maendeleo ya mashindano hayo.

Tuzo hiyo ilitolewa Novemba 18, 2024 siku ya ufunguzi rasmi wa mashindano hayo ambapo Mwenyekiti wa SHIMMUTA Bi. Roselyne Massam alimkabidhi tuzo hiyo katika viwanja vya Usagara jijini Tanga.

Mashindano yalianza Novemba 10 na yatafikia tamati Novemba 24, 2024 ambapo jumla ya watumishi 4720 kutoka mashirika mbalimbali ya Umma 96 wanashiriki mashindano hayo yanayofanyika jijini Tanga.

SHIMMUTA YAMKABIDHI TUZO MKUU WA CHUO TICD YA KUTAMBUA MCHANGO WAKE

Na Mwandishi wetu- Tanga

Shirikisho la Michezo la Mashirika ya Umma, Taasisi na Makampuni Binafsi (SHIMMUTA) yamtunuku tuzo Mkuu wa Chuo cha Maendeleo ya Jamii Tengeru (TICD), Dkt. Bakari George ikiwa sehemu ya kutambua mchango wake wa kushiriki kama mchezaji wa mpira wa miguu katika mashindano hayo.

Tuzo hiyo ilitolewa Novemba 18, 2024 siku ya ufunguzi rasmi wa mashindano hayo ambapo Mgeni rasmi Mhe. Dkt. Doto Biteko alimkabidhi tuzo hiyo Dkt. George katika viwanja vya Usagara, akimwakilisha Makamu wa Rais wa Jamhuri ya Muungano wa Tanzania Mhe. Dkt. Philip Mpango ambaye ni mlezi wa mashindano hayo.

Mashindano yalianza Novemba 10 na kufikia tamati 24, 2024 ambapo jumla ya watumishi 4720 kutoka mashirika mbalimbali ya Umma 96 wanashiriki mashindano hayo yanayofanyika jijini Tanga.